Denald Grymshi, një 24 vjeçar nga Tirana, ka mbetur i plagosur me armë zjarri mbrëmjen e djeshme në Kuçovë. Pak para mesnate, rreth orës 23.30, ky shtetas ka mbërritur i plagosur në spital, me plagë të shkaktuara nga arma e zjarrit.
Denald Grymshi është sjell në Spitalin e Traumës në Tiranë, pasi raportohet se është në gjendje të rëndë për jetën.
Specialistët për hetimin e Krimit në Komisariatin e Policisë Kuçovë në bashkëpunim me shërbimet e DVP Berat, kanë bërë të mundur identifikimi dhe shpalljen në kërkim e autorëve të dyshuar, shtetasve:
Ledio Serdari, 22 vjeç, banues në Kuçovë
Albion Thoma, 22 vjeç, banues në Kuçovë
Vasil Prendi, 23 vjeç, banues në Kuçovë
Arben Tabaku, 23 vjeç, banues në Kuçovë
Këta shtetas dyshohet se në bashkëpunim me njëri-tjetrin, pas një konflikti të çastit, për motive të dobëta, në lagjen 1Maj, Kuçovë, kanë plagosur me armë zjarri shtetasin Denald Grymshi. Vijon puna për kapjen e 4 shtetasve të shpallur në kërkim dhe për zbardhjen e plotë të rrethanave të ngjarjes.
Njoftimi i plotë i Drejtorisë Vendore të Policisë Berat:
Rreth orës 23:30, të mbrëmjes së djeshme, është paraqitur për ndihmë mjekësore në Spital, i plagosur me armë zjarri, shtetasi D.G., 24 vjeç, banues në Tiranë, i cili po merr ndihmë mjeksore në spital.
Si rezultat i punës hetimore profesionale intensive të bërë nga specialistët për hetimin e Krimit në Komisariatin e Policisë Kuçovë në bashkëpunim me shërbimet e DVP Berat, u bë i mundur identifikimi dhe shpallja në kërkim e autorëve të dyshuar, shtetasve: L.S., 22 vjeç, A.Th., 22 vjeç, V.P., 23 vjeç, dhe A.T., 23 vjeç, të katërt banues në Kuçovë.
Këta shtetas dyshohet se në bashkëpunim me njëri-tjetrin, pas një konflikti të çastit, për motive të dobëta, në lagjen 1Maj, Kuçovë, kanë plagosur me armë zjarri shtetasin D.G. Vijon puna për kapjen e 4 shtetasve të shpallur në kërkim dhe për zbardhjen e plotë të rrethanave të ngjarjes.
Materialet procedurale iu referuan Prokurorisë, për veprime të mëtejshme.
