Kur e ndajnë pak orë nga finalja e madhe e Big Brother, ku me siguri pret që të kurorëzohet si fitues, e rrjedhimisht të rrëmbejë çmimin e madh prej 100 mijë eurosh, Luiz Ejlli e ka nisur herët ditën e sotme, shumicën e kohës i përlotur.
Edhe pse produksioni kishte menduar që t’iu shtronte një mëngjes mbretëror, këngëtari nuk ka konsumuar asgjë, gjë e cila është vënë re dhe nga banorët e tjerë, konkretisht Kristi i cili ja vuri në dukje.
Luizi u shpreh se ishte shumë i emocionuar dhe nuk mund të qëndronte në një vend.
“Po ça thua unë jam tym, më duket vetja si në ditën e parë që kam hyrë, që nuk dija çfarë të bëja. Nga t’ia nisja”.
Gjatë gjithë kohës personazhi që rrëmbeu maksimumin e vëmendjes nga audienca ka qenë në lëvizje, e deri diku ka flirtuar me kamerat duke u shfaqur edhe i përlotur.
Padyshim që fitimi i çmimit të madh do të kishte një vlerë edhe materiale për të, pasi siç ka treguar gjendja ekonomike para se të hynte në shtëpi, ka qenë e vështirë, e madje dhe me borxhe e detyrime të pambyllura.
Me siguri për shlyerjen e të cilave do të mjaftonte një prej reklamave që i janë ofruar nga kompani të ndryshme jashtë shtëpisë.
Mbrëmja e sotme pritet që të jetë e veçantë për të, pasi e pret dhe një ceremoni martesore ligjore me shumë gjasa në Bashkinë e Tiranës.
