Policia e Vlorës ka reaguar pas pamjeve të publikuara në rrjetet sociale ku një 29 vjeçare shfaqej teksa dhunonte vajzën e saj.
Sipas njoftimit të uniformave blu mësohet se shtetësja ininciale B.Ç është proceduar penalisht pasi specialistët për Hetimin e Krimeve në Komisariatin e Policisë Himarë referuan materialet në Prokurori, për veprën penale “Dhuna në familje”, në ngarkim të 29 vjeçares, banuese në Borsh,
“Nisur nga pamjet filmike të publikuara ditën e djeshme, në rrjete sociale, për rastin e dhunimit të një vajze nga nëna e saj, specialistët për Hetimin e Krimeve në Komisariatin e Policisë Himarë referuan materialet në Prokurori, për veprën penale “Dhuna në familje”, në ngarkim të shtetases B. Ç., 29 vjeçe, banuese në Borsh, pasi dyshohet se ka ushtruar dhunë ndaj vajzës së saj të mitur.
Materialet iu referuan Prokurorisë, për veprime të mëtejshme“, thuhet në njoftimin e Policisë, teksa më tej bëhet me dije se një 47-vjeçar është shpallur në kërkim pasi dyshohet se për motive të dobëta, ka kanosur me një mjet prerës (thikë) dy shtetase, në fshatin Peshkëpi, Vlorë.
“Specialistët për Hetimin e Krimeve në Stacionin e Policisë Selenicë referuan materialet në Prokurori dhe shpallën në kërkim shtetasin D. M., 47 vjeç, pasi dyshohet se për motive të dobëta, ka kanosur me një mjet prerës (thikë) dy shtetase, në fshatin Peshkëpi, Vlorë”, njoftojnë unfiromat blu të Vlorës.
