Një person ka mbetur i plagosur mbrëmjen e sotme në Elbasan, në vazhdën e një sherri mes të rinjve. Burime pranë policisë lokale thanë se ngjarja ndodhi në një lokal në qendër të qytetit, ku u përdorën edhe mjete të mprehta si gotat që ndodheshin në tavolina.
Kei Piu, një person me precedentë penalë ka mbetur i plagosur këtë mbrëmje në Elbasan. Mësohet se Piu është përfshirë në një sherr masiv mes një grupi të rinjsh në një lokal në qendër të Elbasanit.Në sherr raportohet të jenë përdorur thika, armë dhe gota që kanë pasur në tavolina, por nuk ende se me çfarë është qëlluar Piu. Ai është dërguar në spital ku po merr mjekimin e nevojshëm, ndërkohë që nuk ka ende detaje nga Policia e Elbasanit për ngjarjen në fjalë. Kei Piu është një emër i njohur për Policinë e Shtetit pasi në vitin 2020 i ka shpëtuar një atentati me armë zjarri. Ai është shoqëruar disa herë në polici edhe për lëndë narkotike.
I plagosur ka mbetur Kei Piu, 26 vjeç, i cili njihet në Elbasan, pasi në 2020 i ka shpëtuar një atentati me armë zjarri në qendër të qytetit, ku mori tre plumba në bark.
Sakaq policia ka identifikuar autorin dhe e ka shpallur në kërkim, ndërkohë që po punohet për zbardhjen e plotë të ngjarjes.
