Një aksident rrugor në aksin e vjetër Laç-Milot. Mësohet se një autoveturë tip ‘Benz’ ka goditur një këmbësore rreth të 60-ave, e cila po tentonte të kalonte rrugën. Si pasojë, i ka shkaktuar plagë të rënda.
Nga të dhënat paraprake, e dëmtuara ndodhet në gjendje të rëndë dhe është dërguar në Spitalin e Traumës. Ndërsa, drejtuesi i automjetit është shoqëruar në Polici.
Ndërkohë, policia po punon për zbardhjen e shkaqeve të aksidentit.
