Paris Saint-Germain thuhet se është ulur në tryezë me Paul Pogbanë për të vlerësuar interesin e tij për një lëvizje të mundshme drejt ‘Parc des Princes’.
Kontrata e mesfushorit me Manchester United tani është në më pak se 12 muaj nga përfundimi dhe besohet se ai ka refuzuar mundësinë për të nënshkruar një kontratë të re në Old Trafford. Marcus Rashford thuhet se po përpiqet të bëjë që Pogba të qëndrojë në klub, por United do të ishte nën presion për ta shitur atë këtë verë nëse ai përfundimisht vendos të mos e zgjasë qëndrimin e tij në Old Trafford.
Sipas The Athletic, PSG tani ka kontaktuar me Pogbanë për kalimin në Ligue 1, por gjigantët francezë ende mund të presin dhe të përpiqen ta marrin lojtarin falas në 2022-ën. Raporti shton se skuadra e Mauricio Pochettinos ende nuk i është afruar Man Unitedit me një ofertë zyrtare, por ‘Djajtë e Kuq’ po përgatiten për një qasje në javët e ardhshme. Pogba shënoi 80 gola në 206 paraqitje gjatë eksperiencës së tij të dytë tek Manchester United dhe Ole Gunnar Solskjaer mbetet optimist në lidhje me shanset e klubit për të mbajtur 28-vjeçarin.
