Programi i ndeshjeve miqësore
5 qershor
Ndeshja miqësore Uells-Shqipëri, ora 18:00, në “Cardiff City Stadium”.
8 qershor
Ndeshja miqësore Republika Çeke – Shqipëri, ORA 20:15 në “Stadion Letná”, Pragë.
Situata
Kombëtarja shqiptare e futbollit ka zhvilluar ditën e sotme seancën e parë stërvitore në kompleksin “Tropikal”, Durrës.
Futbollistët, të cilët kanë mbërritur tashmë në grumbullim zhvilluan disa ushtrime fizike dhe më pas edhe një lojë brenda grupit.
Zyra e shtypit në FSHF bën me dije se grupi i lojtarëve të grumbulluar nga trajneri Reja nuk është ende i plotë, teksa sonte pritet të mbërrijnë Keidi Bare, Marash Kumbulla, Berat Gjimshiti, Ardian Ismajli, Elseid Hysaj dhe Armando Broja.
Më herët grupit i është bashkuar edhe mbrojtësi i Tiranës, Erion Hoxhallari, ndërsa është larguar nga grumbullimi portieri Etrit Berisha, për shkak të problemeve fizike, pas konsultave me stafin mjekësor./fshf
