Para disa ditëve, Karim Benzema la mënjanë modestinë dhe u shpreh i sigurt se ai është më i mirë se Olivier Giroud. Sulmuesi i Real Madrid nuk ngurroi të bëntë edhe një krahasim të çuditshëm, teksa u shpreh se ai ishte si një makinë e Formula 1, ndërsa Giroud si një makinë e garave Go-Cart.
Megjithatë, këto fjalë mesa duket nuk janë përtypur mirë nga sulmuesi i Chelsea i cili i ka kthyer përgjigje Benzemas. Me anë të një postimi në Instagram, Giroud ka postuar një foto ku ai është duke ngarë një makinë të Go-Cart dhe në duar mban Kupën e Botës.
Ndërsa, në sfond shihet Benzema mes makinave të Formula 1. Mesazhi i Giruod ishte shumë i qartë, teksa shoqërohej me fjalët: “Mos e ngatërro Champions League me Kupën e Botës”.
