Ndërsa ndihma e shpejtë kërkon gjurmë të futbollistit të rrëzuar bashkë me avionin në Kanalin e La Manshe, Emiliano Sala, ish-e fejuara ka hedhur akuza të rënda, që hedhin një hije dyshimi mbi aksidentin ajror të lojtarit argjentinas:
“E pabesueshme që kanë ndërprerë kërkimet, pikërisht në momentin kur gjetën të dhënat e para”. Por Berenice Schkair ka shkuar shumë më larg: “Hetoni mbi mafien e futbollit sepse nuk besoj në një aksident” ka shkruar ajo në Twitter, përpara se të fshinte postimin.
Në Instagram, ndërkohë, postimi është akoma: “Nuk arrij të mos mendoj për ty, Emi. Jeta mund të ndryshojë në një sekondë, jemi pluhur në këtë univers. Përse i ndodhin këto gjëra një njeriu të mirë e me shumë projekte e shumë punëtor? Ju lutem hetoni, mos reshtni së kërkuari! Nuk e besoj se ndërprenë kërkimet për motin e keq pikërisht kur u gjetën mbetjet e para të avionit”.
https://twitter.com/GuernseyPolice/status/1087744294457352192
