Manchester City është gati ta shpërblejë me një kontratë të përmirësuar portierin Arijanet Muriqi (Muric). Gardiani 20-vjeçar aktualisht është portieri i dytë i Qytetarëve pas dëmtimit afatgjatë të Claudio Bravo.
Lojtari që ka zhvilluar një ndeshje me përfaqësuesen kosovare, ka luajtur në Carabao Cup këtë sezon, duke ndihmuar City-n të kapë finalen megjithëse ka një ndeshje kthimi për të luajtur ndaj Burton. Gjithsesi, ndeshja e parë është fituar 9-0. Megjithëse Muriqi ka edhe dy vite të mbetura në kontratën e tij, trajneri Pep Guardiola kërkon t’i japë një të re përpara se të përfundojë sezoni.
Ai mendohet se fiton rreth 4,000 euro në javë, por me kontratën e re shifra do të shkojë në 12,000 euro. City ka vendosur të shesë Agnus Gunn te Southampton verën e kaluar pasi stafi teknik ishte i kënaqur me progresin e bërë nga portieri i akademisë. Muriqi duhet të ishte i huazuar te holandezët e NAC Breda-s, por dëmtimi i Bravo-s e detyroi të qëndronte për të dubluar Ederson.
