Pas një shpërthimi të fuqishëm në tarracën e kampusit universitar të Lionit, në Francë, policia raporton për një person të plagosur. Sipas hetimeve paraprake, shkak i zjarrit mund të ketë qenë puna që po bëhej momentalisht, që ka shkaktuar edhe shpërthimin e 3 bombolave të gazit, të cilat mbaheshin në tarracë.
Flakët e zjarrit kanë shpërthyer në tarracën e universitetit, më konkretisht mbi bibliotekën.
Po kështu, raportet e para flasin për një të lënduar lehtë, ndërsa persona të tjerë të pranishëm janë evakuuar nga vendngjarja.
