Që të besosh se Lionel Messi është një futbollist i jashtëzakonshëm, mjafton të shohësh statistikat e këtij sezoni. Ylli i Bracelonës ka bërë më shumë për skuadrën e tij, se ç’kanë bërë të gjithë lojtarët e Real Madrid sëbashku. Messi ka shënuar deri tani 16 gola dhe po t’u shtosh atyre edhe 10 asiste, që 31-vjeçari i ka regjistruar tashmë, po në këtë sezon, ka qenë i përfshirë në 26 gola të Barcelonës. Ky numër është më i madh se golat e shënuar nga e gjithë skuadra e Real Madridit, këtë sezon.
Karim Benzema është golashënuesi kryesor i “Los Blancos” në La Liga, me shtatë gola. Gareth Bales dhe Sergio Ramos vijnë pas francezit, me nga katër gola secili. Mbrojtësi brazilian, Marcelo, ka shënuar 2 gola, ndërsa bashkëlojtari i tij 18-vjeçar, Vinicius Junior, i cili u transferua nga Flamengo në “Bernabeu” kohët e fundit, për 40 milionë euro, e ka gjetur rrugën e rrjetës një herë.
Numrat e golave të shënuar në total tregojnë qartë se çfarë sezoni tronditës po kalojnë kampionët europianë, edhe pas shkarkimit të Julen Lopetegui. Edhe me trajnerin Solari, gjërat nuk kanë marrë për mirë. Gropa e lënë nga largimi i “makinës së golave”, Cristiano Ronaldo, jo vetëm është e pakompensueshme, por ka prishur tërë ekuilibrat finalizues të të bardhëve.
Gjigantët spanjollë duken të dëshpëruar për të korrigjuar shënjestrën para portave kundërshtare, me marrjen e një “fëmije” nga Manchester City, Brahim Diaz. Pas dështimit të verës së kaluar, Reali do të shtyjë përsëri për Eden Hazard të Chelsea, i cili nuk e ka mbajtur sekret dëshirën e tij për të luajtur një ditë me gjigantët spanjollë.
