Juventusi do të kthehet në fushën e blertë më 12 janar, në ndeshjen e kupës përballë Bolognas. Cristiano Ronaldo iu ka dhënë fund pushimeve dhe është kthyer në Torino bashkë me familjen e tij. Ylli portugez ka nisur menjëherë nga stërvitja në palestër, i shoqëruar nga familjarët e tij për të mos humbur formën fizike.
Faza e parë e sezonit ka rezultuar shumë e suksesshme për portugezin i cili është përshtatur si me magji me kampionatin italian, duke realizuar 14 gola në 19 ndeshje.
Ai gjithmonë tregon nëpërmjet medieve sociale se nuk ka çmim pa lodhje, dhe menjëherë pasi është vlerësuar në “Globe Soccer Awards” si lojtari i vitit dhe goli më i bukur ai ka postuar një video teksa stërvitet në palestër.
Por kërkesat e larta CR7 nuk i ka vetëm ndaj vetes por edhe ndaj familjes, kjo pasqyrohet më së miri në këtë video të postuar ku shfaqet edhe djali edhe bashkëshortja e tij Georgina Rodriguez.
