Duket se një futbollist i kombëtares sonë do të ndryshojë ekip në këtë merkato transferimesh. Bëhet fjalë për Berat Gjimshitin. Mbrojtësi i Atalantës është nën “radarët” e gjigantëve turk të Besiktas.
Këta të fundit kërkojnë 2 mbrojtës në merkato dhe shikojnë shqiptarin si zëvendësuesin perfekt të Pepes, pas largimit të këtij të fundit. Lajmi bëhet i ditur nga “Fotospor” ku thekson se edhe Demagoj Vida është drejt largimit. Agjenti i futbollistit ka pasur një takim me drejtuesit turq.
