Presidenti Donald Trump dhe zonja e parë, Melania Trump bënë një vizitë të papritur në Irak të mërkurën, vizita e tyre e parë në një zonë lufte.
Udhëtimi sekret erdhi mes spekulimeve se Presidenti Trump nuk ishte në Shtëpinë e Bardhë. Kjo ishte kuptuar për faktin se ai nuk kishte postuar asgjë në Twitter për disa orë dhe se rojet e Zyrës Ovale ku ai qëndron nuk kishin qenë të pranishëm.
Në fotot e shpërndara nga Reuters, presidenti dhe zonja e parë janë fotografuar me trupat ushtarakë që ndodhen atje. Presidenti Trump kishte thënë se do të vizitonte Afganistanin së shpejti, por zgjodhi të vizitojë Irakun gjatë festës së Krishtlindjes, disa ditë pasi njoftoi se do të tërheqë trupat e SHBA-së nga Siria.
Në një deklaratë të postuar në Twitter, sekretarja e shtypit të Shtëpisë së Bardhë, Sarah Sanders, konfirmoi vizitën pak pasi Reuters publikoi fotot e presidentit.
“Presidenti Trump dhe Zonja e Parë kanë udhëtuar në Irak natën e Krishtlindjeve për të vizituar trupat tona dhe drejtuesit e ushtrisë për t’i falënderuar ata për shërbimin e tyre, suksesin e tyre dhe sakrificën e tyre, për t’u uruar atyre një Krishtlindje të gëzuar”, tha ajo. TIRANA TODAY
