Një 28-vjeçari i ishte ndaluar të hynte në shtetin italian deri në vitin 2027. Megjithatë, ai nuk e ka respektuar këtë masë, duke hyrë sërish në Itali.
Por, ai nuk ia ka hedhur paq teksa është kapur nga policia italiane. Shqiptari u arrestua të enjten e kaluar, por lajmi i kapjes së tij u publikua vetëm sot.
28-vjeçari udhëtonte me tren në Itali, ndërsa u arrestua në qytetin Bra në rajonin veriperëndimor të Italisë.
Kontrollet e policisë italiane janë intensifikuar këtë fundvit me qëllim ruajtjen e sigurisë, gjë që ka ‘prekur’ edhe shqiptarin, identiteti i të cilit nuk dihet ende.
