Një vit më parë Zlatan Ibrahimovic, 36 vjeç, pranoi të kalonte te Los Angeles Galaxy duke ulur ndjeshëm pagën që përfitonte te Manchester United, duke pranuar të paguhej vetëm 1.2 milionë dollarë.
Tashmë gjërat kanë ndryshuar për suedezin që rinovoi për vitin e dytë me skuadrën amerikane. 22 golat e tij duket se kanë bindur klubin që të hapë arkën dhe të bëjë për vete 37-vjeçarin që kishte oferta nga klube të mëdha në Europë.
Në kontratën e re Ibrahimovic përfiton 7.5 milionë dollarë duke lënë pas Sebatian Giovinco, i cili ishte më i paguari me 7 milionë dollarë.
