E ardhmja e Aaron Ramsey duket qartë që është larg klubit të Arsenalit. Pak ditë më parë u raportua se ishte arritur marrëveshja mes uellsianit dhe Bayer Munich, por tani kjo pistë është përmbysur.
Kontrata e 27-vjeçarit do të skadojë në fund të sezonit aktual dhe ai do jetë i lirë të largohet me parametra zero nga Topçinjtë. Por tani, sipas italianes La Repubblica, Inter thuhet të ketë mposhtur konkurrencën e kampionëve në fuqi të Bundesliga-s për firmën e uellsianit.
Drejtuesit e Inter thuhet të jenë takuar ditët e fundit me agjentët e Ramsey dhe thuhet të jetë arritur një marrëveshje paraprake.
Po sipas shtypit italian, Inter e ka bindur mesfushorit e talentuar me një rrogë 7 milionë euro në sezon dhe një kontratë afatgjate.
