Milani ka pësuar disfatën e radhës në Serie A, këtë herë në shtëpi përballë Fiorentinës. Kuqezinjtë e Gattusos u mposhtën me rezultatin e ngushtë 0-1, me një gol të mrekullueshëm të shënuar nga Federico Chiesa nga jashtë zone në minutën e 73-të.
Kjo ka qenë fitorja e parë në transfertë nga Fiorentina në ndeshjet e këtij kampionati. Skuadra vjollcë është ngjitur në vendin e gjashtë dhe ka shkuar vetëm dy pikë larg Milan-it.
Napoli ka siguruar fitoren e katërt radhazi në kampionat pasi ka mundur në shtëpi 1-0 skuadrën e Spal. Takimi i luajtur në “San Paolo” është vendosur nga një gol i realizuar nga Albiol në minutën e fundit të pjesës së parë. Falë kësaj fitoreje, skuadra e Ancelotti-t ka shkuar vetëm pesë pikë larg Juventus, që do të luajë në mbrëmj kundër Roma-s.
Në ndeshjet e tjera, Genoa ka mposhtur 3-1 Atalanta-n. Piatek ka realizuar golin e parë dhe të tretë për vendasit. Ai kryeson renditjen e golashënuesve të Serisë A me 14 realizime dhe është sulmuesi më i mirë mes pesë kampionateve kryesore të Europës për numrin e golave të shënuar (14) në ndeshjet e këtij sezoni të luajtura në shtëpi në të gjitha kompeticionet.
Fitore në transfertë për Sampdoria-n, që ka mundur 4-2 Empoli-n, ndërsa janë mbyllur në barazim 1-1 Udinese-Frosinone dhe Sassuolo-Torino.
