’Ne mposhtëm grupin e Shtetit Islamik në Siri. Arsyeja e vetmja për të cilën ishim të pranishëm gjatë presidencës time në Siri’’, shkruan presidenti amerikan Donald Trump në ”Twitter”.
Trump njoftoi se u përmbush me sukses objektivi i anerikanëve në Siri, ai i fitores ndaj grupit të Shtetit Islamik. Ky lajm konfirmon informacionet sipas së cilave ai planifikon tërheqjen e trupave amerikane të pranishme në këtë shtet.
SHBA-ja do të tërhiqet nga territori i Sirisë, ku janë dislokuar të paktën 2.000 ushtarë për të luftuar grupin e Shtetit Islamik (ISIS) , njoftoi sot për median një zyrtar amerikan.
‘’Kjo do të jetë një tërheqje e plotë dhe do të bëhet e mundur sa më shpejt të jetë e mundur’’, njoftoi ky burim në kushte anonimati, duke specifikuar se vendimi u mor dje.
