Atalanta thelloi më shumë krizën e Lazios të hënën në mbrëmje, pasi e mposhti me rezultatin minimal 1-0. Gjithçka u vendos që në sekondën e 59’, ku Zapata do të shfrytëzonte mjaft mirë një dhuratë të mbrojtjes së Lazios për ta shndërruar në gol.
Barazimi do të vinte në fundin e takimit, ishte Acerbi që dërgoi topin në rrjetë, por pas ndërhyrjes së VAR goli u anulua edhe pse lacialët e kishin mbaruar festën. E njëjta histori si në ndeshjen e shkuar, teksa skuadra e Inzaghit do të linte dy pikë në sekondën e fundit ndaj Sampdorias.
Ndërkohë, në fillimin e pjesës së dytë ka pasur disa moment ankthi për Thomas Strakoshën. Gardiani shqiptar gabon në stopimin e topit, duke vënë në rrezik portën e tij në mënyrë të pakuptimtë. Megjithatë Strakosha ka shkuar menjëherë për të zotëruar topin, ndërsa takat e Zapatas kanë përfunduar në fytyrën e tij.
https://twitter.com/ditonellocchio/status/1074768615377985541
Disa sekonda pa ndjenja dhe momente ankthi, ndërsa disa lojtarë të Atalantës kanë shkuar menjëherë t’i japin ndihmën e parë Strakoshës, pa humbur asnjë sekondë më tepër. Më pas gjithçka vjen në vijë për portierin shqiptar, që mund të vazhdojë normalisht takimin.
