Kryeministri francez Edouard Philippe pritet të njoftojë sot pezullimin e rritjes së taksës së naftës.
Ky vendim vjen pas dy javësh protestash mbarëkombëtare, që i vunë “flakën” Parisit.
Demostrata nuk kursyen as vendet më të frekuentuara nga turistët, si “Harku i Triumfit” apo bulevardi “Champs Elysees”.
Rritja e taksës, që çon në rritjen e çmimit për konsumatorët e që ishte planifikuar të hynte në fuqi nga 1 janari.
Ky vendim solli pakënaqësinë e shtuar të të ashtuquajturve “jelekë të verdhë”. Ishin ata njerëzit që fillimisht dolën në rrugë për të kundërshtuar këtë masë.
Më pas demonstratat morën natyrë antiqeveritare, duke u fokusuar kryesisht kundër politikave të presidentit Emmanuel Macron.
Ai akuzohet, se po ndjek politika kundër shtëpiakëve apo qytetarëve me të ardhura të ulëta.
Pezullimi i rritjes së taksës, siç bëjnë të ditur burime qeveritare, pritet të shoqërohet me masa të tjera.
Fund protestave të frikshme
Kjo do të synojnë dhënien fund të demonstratave mbarëkombëtare dhe qetësimin e situatës pas dy javëve ferri.
Edhe pse nisën fillimisht paqësore, demonstratat degjeneruan në përplasje të dhunshme në rrugë mes protestuesve dhe policisë.
Megjithatë, kthimi pas nga rritja e taksës ishte vetëm një prej kërkesave kryesore të organizatorëve të “jelekëve të verdhë”.
Ata duan gjithashtu edhe rritje të pagës minimale, si dhe rikthimin e taksave më të larta mbi pasurinë e miliarderëve, hequr vitin e kaluar.
Macron e ka marrë vendimin për të pezulluar rritjen e taksës së naftës më 1 janar që prej së hënës, thanë burime të AFP-së. Qeveria e tij kishte kaluar shumicën e ditës duke u takuar me krerët e të gjitha partive politike në Francë./TIRANA TODAY/