Rusia ka vendosur një bateri raketash S-400 në kufirin ukrainas. Kjo lëvizje vjen pas tensioneve në rajon, të cilat vazhdojnë të përshkallëzohen.
Imazhet satelitore kanë zbuluar se Kremlini ka vendosur një raketë anti-ajrore në bazën ajrore të Dzhankoy në Krime. Ky është një informacion i dhënë nga një raportim i ImageSat International.
Imazhet e kapura të dielën konfirmojnë vendosjen e tetë lëshuesve, të cilët janë të ndarë në katër hapsira.
Raporti sugjeron se planet për të lëvizur raketat S-400 janë përgatitur në muajt e fundit.
Imazhet tregojnë terren të zhveshur në prill 2018. Por besohet se ata janë vendosur aty më 10 nëntor.
Ata janë vendosur dy javë përpara përplasjes në det. Anijet ruse sulmuan tre anije duke i marrë “peng” bashkë me ekuipazhin.
Raketa S-400 ka një distancë deri në gati 250 milje dhe mund të arrijë një lartësi prej gati 19 milje.
Rusia ka mbështetur mbrojtjen ushtarake të gadishullit të Detit të Zi me raketa që nga viti 2017.
Më 26 nëntor, anijet e Ukrainës hynë në Detin e Azov nga porti i Detit të Zi në Odessa.
Rusia pretendoi se anijet kishin kaluar në territorin e tyre dhe nuk kishin ndjekur protokollin e duhur./TIRANA TODAY/
