Pas humbjes me Skocinë, në media qarkulloi lajmi se Federata Shqiptare e Futbollit është në kërkim të një tjetër trajneri. Kështu, u aludua se italiani Panuçi nuk do të mund të drejtonte më kuqezinjtë, madje dolën dhe emra të mundshëm për zëvendësimin e tij.
Por, fitorja me Uellsin duket se ka ndryshuar gjithçka dhe se Duka ka vendosur ta besojë Panuçin deri në përfundim të kontratës së tij.
Megjithatë, FSHF është detyruar të bëjë një tjetër sqarim, ku shkruan se po bashkëpunon maksimalisht me Panuçin për të arritur rezultate sa më të larta kualifikuese, duke hedhur poshtë thashethemet se po kërkohet një tjetër trajner për kuqezinjtë.
Njoftimi i plotë i FSHF-së:
Nisur nga disa spekulime dhe lajme abuzive që kanë qarkulluar në disa media orët e fundit, Federata Shqiptare e Futbollin dëshiron t’iu informojë se nuk është aspak e vërtetë që jemi në kërkim të një trajneri të ri për Kombëtaren Shqiptare të Futbollit.
FSHF është duke punuar dhe bashkëpunuar maksimalisht me trajnerin Panuçi për të arritur rezultate sa më të larta në kualifikueset për Kampionatin Europian 2020.
