Bashkangjitur festimit më 28 Nëntor, pra Ditën e Flamurit, qeveria e Kosovës do shpallë themelimin e ushtrisë. Beogradi po paralajmëron se atë ditë do sulmohen serbët e Kosovës.
Kjo u tha gjatë një interviste për Tanjug, që dha komandanti i sapo-emëruar i Bondsteel-it, Roy Macaraeg.
Ai iu përgjigj pyetjes se si do të jetë reagimi i KFOR-it nën komandën e tij, në rast të shpërthimit të dhunës kundër serbëve. Sipas medias serbe këto trazira mund të ndodhin pas shpalljes dhe themelimit të ushtrisë së Kosovës në Ditën e Flamurit të Shqipërisë.
“Në lidhje me votimin mbi transformimin e Forcës së Sigurisë së Kosovës (FSK) më 28 Nëntor, çështja është një proces politik. Por ju e dini, nëse kjo ndodh, ne sigurisht do të jemi në gjendje për të reaguar. Pozicioni aktual i KFOR-it është se ka një mandat i cili është në fuqi”, tha Macaraeg.
I pyetur nëse ai kishte marrë udhëzime specifike nga selia e NATO-s për atë çfarë pritet të ndodhë më 28 Nëntor, Macaraeg u përgjigj. “Një përgjigje e shkurtër: Jo”, tha ai.
