UFC Fight Night 139 ka dhuruar me të vërtetë spektakël në kafaz. Dueli kryesor i mbrëmjes ishte mes Chan Sung Jung dhe Yair Rodriguez. Një duel me të vërtetë spektakolar që i ka mrekulluar tifozët e arteve marciale mikse. Sfida historike ka përfunduar me një nokaut në sekondën e fundit të raundit të pestë.
Rodriguez ishte duke e humbur këtë përballje, por në sekondat e fundit ka ardhur një goditje e paparashikueshme dhe ka përfunduar me një nokaut fantastik. Përfundimi ishte me fitore dhe 100,000 $ bonus për ndeshjen dhe paraqitjen e mbrëmjes.
Por ajo që ka ndodhur pas duelit ishte me të vërtetë e veçantë, të dy luftëtarët kanë marrë dëmtime të rënda dhe më pas janë dërguar në spital për të bërë kontrollet e nevojshme. Ndërsa nga spitali kanë shpërndarë një foto nga krevatet e tyre në Instagram, e cila tregon respekt të madh pas brutalitetit të pabesueshëm në një ndeshje të UFC.
