Prestigjiozja britanike “Daily Mail” ka publikuar rezultatet e një studimi, për të ardhur në përfundimin se cilat ushqime janë më të shëndetshmet. Por në listë nuk mungojnë as ato që të ruajnë nga sëmundjet e ndryshme. Për habi të 15 ushqimet e zgjedhura janë pjesë e menusë mesdhetare, dhe nuk mungojnë në tregun e përditshëm shqiptar.
Arrat. Arra janë plot me mikroelemente vitale për trupin dhe trurin tuaj. Yndyrnat e shëndetshme që ato përmbajnë mbështesin sistemin nervor të njeriut. Hani të paktën 10-15 kokrra në ditë për të furnizuar trupin tuaj me mineralet e nevojshme.
Limonët. Limonët janë ndoshta ushqimi më i mirë për të ngrënë në qoftë se ju mungon vitamina C. Flavonoidet e limonit zvogëlojnë rritjen e qelizave të kancerit dhe mund të ndihmojnë në parandalimin e një sërë sëmundjesh të tjera, përfshirë gripin.
Brokoli. Brokoli është një burim i mahnitshëm i vitaminës K që ndihmon koskat dhe suporton sistemin imunutar, porse duhen gatuar ashtu si duhet.
Fasulet. Fasulet përmbajne proteina të shëndetshme që ndihmonë në ndërtimin e trupit. Ato përmbajnë fibra që ndihmojnë trupin të asimilojë ushqime të tjera dhe nuk shkaktojnë obezitet.
Çokollata e zezë. Mos hani çokollate me rrush të thatë dhe arra brenda. Hani çokollatë të pastër dhe rehatohuni me flavonoidet dhe acidet e kakaos të cilat mungojnë zakonisht në trupin tuaj.
Domatja. Llojet e ndryshme të domateve janë të mrekullueshme për të ndihmuar në luftimin e qelizave të kancerit. Ato gjithashtu i sigurojnë trupit tuaj përbërësit e nevojshëm për të pasuruar gjakun. Çdo person duhet të konsumojë të paktën 1 domate të madhe në javë.
Salmoni. Nëse nuk jeni vegjetarian, sigurohuni që, në dietën tuaj, të përfshini salmon të pasur me proteina. Ai gjithashtu siguron yndyrna të shëndetshme që nuk gjenden lehtësisht.
Avokado. Mes të gjitha llojeve të frutave, avokado duket të jetë alternativa më e shëndetshme. Ato janë të pasura me vitamina dhe mikroelemente për t’ju mbajtur të shëndetshëm. Është provuar se advokadot ulin rrezikun e sulmeve në zemër.
Hudhra. Nëse nuk do hani hudhër të freskët, atëherë ju jeni në rrezik konstant. Hudhra ndihmon të shkatërrohen mikroorganizmat e dëmshëm dhe të mbajë trupin tuaj të pastër nga të gjitha parazitët. Ajo gjithashtu përmirëson sistemin imunitar.
Manaferrat. Të gjitha llojet e freskëta të frutave të pyllit janë të mrekullueshëm për të konsumuar. Është mirë t’i hani gjatë sezonit të tyre, por edhe manaferrat e ngrira janë një alternativa e mirë. Sidoqoftë, kur fryti gatuhet dhe konservohet, i humbet pothuaj të gjitha vlerat.
Spinaqi. Kjo perime me gjethe jeshile përmban një sasi te madhe luteine. Konsumi i spinaqit ndihmon në mbrojtjen e sistemit imunitar, të syve si dhe në shëndetin e grave. Luteina luan një rol të madh në ovulimin dhe mundësinë e shtatzënisë.
Vaji i ullirit. Mes llojeve të ndryshme të vajit, vaji i ullirit është i mbushur me yndyrna, acide dhe flavonoide të shëndetshme. Kjo ndihmon në rritjen e shëndetit të zemrës, dhe për të ndërtuar enë të forta dhe elastike të gjakut. Sigurohuni që të përfshini vajin e ullirit në dietën tuaj të përditshme.
Kosi. Qumështi i freskët duhet konsumuar përditë. Por kosi është i mrekullueshëm për të gjithë. Ndihmon në krijimin dhe mirëmbajtjen e mikroflorës së trupit si dhe në tretjen e plotë të ushqimit që hani.
Vezët. E bardha e vezëve është plot me proteina. Për të verdhën e vezës ëshrë raportuar se I bën keq shëndetit. Megjithatë, studimet e kohëve të fundit treguan se ngrënia e të verdhës së vezëve së bashku me të bardhë është shumë më e shëndetshme se ngrënia vetëm e së bardhës.
Frutat e thata. Janë opsion veçanërisht i dobishëm në dimër, kur nuk ka fruta të freskëta. Frutat e thata ruajnë shumë mikroelemente të shëndetshme dhe vitamina. Ato gjithashtu krijojnë fuqi imunitare shtesë gjatë muajve të ftohtë të vitit.
