Shtetet e Bashkuara kanë vendosur përsëri sanksionet financiare kundër Iranit. Kjo situatë shton presion mbi Teheranin për të frenuar programet e tij raketore dhe bërthamore. Nga ana tjetër është një hap i cili kundërshton rritjen e tij ushtarake dhe ndikimin politik në Lindjen e Mesme.
Ky veprim rikthen sanksionet e Shteteve të Bashkuara që u hoqën nën një marrëveshje bërthamore të vitit 2015 të negociuar me administratën e Presidentit Barak Obama. SHBA shton edhe 300 emërtime të reja në sektorin e naftës, transportit, sigurimeve dhe bankave të Iranit.
Presidenti Donald Trump njoftoi në maj se SHBA po tërhiqte nga ajo që ai e quajti marrëveshja “më e keqe a arritur ndonjëherë”. Vendet e tjera të përfshira në marrëveshje, Britania, Franca, Gjermania, Kina dhe Rusia, kanë thënë se nuk do të largohen.
Detajet e sanksioneve do të lëshohen në një konferencë për shtyp të planifikuar sot. Uashingtoni tha se do të sigurojë një treg global për t’u furnizuar me naftë, me ndihmën e aleatit Arabia Saudite, pasi nafta që merret nga Irani do ndërpritet.
Gjatë fushatës në Chattanooga, Tennessee, të dielën, Trump tha se politika e tij po punon për “presion maksimal” kundër Iranit. “Irani ishte një vend shumë ndryshe kur unë u bëra President. Ata donin të merrnin të gjithë Lindjen e Mesme, tani vetëm duan të mbijetojnë”, tha Trump.
Goditja
Ndërsa Irani po i pret me krenari këta sanksione. Mijëra njerëz kanë dalë në protestë duke thirrur “Vdekja e Amerikës”. Sanksionet amerikane synojnë të godasin zemrën ekonomike të Republikës Islamike- eksportin e energjisë.
Presidenti Trump i ka quajtur këto sanksione “më të ashprat e të gjitha kohërave”. Eksporti iranian i naftës duhet të zerohet, sipas vullnetit të qeverisë amerikane.
Edhe nëse kjo nuk arrihet plotësisht, çdo lloj kufizimi i ri i eksportit të naftës do të ishte i dhimbshëm për Iranin. 80% e të ardhurave shtetërore të Iranit e kanë origjinën në shitjen e naftës./TIRANA TODAY/
