Janë mbyllur dy ndeshjet e para të Champions League, ku Bayern Munich mposhti AEK-un në Greqi me rezultatin 2-0 , ndërsa Valencia ngec në barazim 1-1 ndaj Young Boys. Pjesën e parë Bayern e mbylli në barazim pa gola duke qenë se vendasit iu rezistuan sulmeve të bavarezëve, por në pjesën e dytë është Javier Martinez që zhbllokon shifrat pas një gjuajtje të Robben që ndalohet nga mbrojtësit por spanjolli godet për të tundur rrjetën.
Dy minuta më vonë është Rafinha që nis një aksion të bukur nga krahu i majtë dhe nxjerr Lewandowskin me portën bosh që nuk e pati të vështirë të dyfishojë shifrat.
Pas kësaj ndeshje Bayern kryeson grupin me 7 pikë, ndiqet nga Ajax me katër, që do përballet me Benfican që disponon 3 pikë. Ndërsa AEK mbetet në vend të fundit me tre humbje radhazi.
