Ministria e Financave në Kosovë ka liruar nga Tatimi i Vlerës së Shtuar të gjithë importuesit, blerësit dhe lexuesit e librit në Kosovë.
Lajmin e ka dhënë vetë kjo ministri me anë të një deklarate, ku njofton se e ka ndërmarrë këtë reformë për të ndihmuar Zhvillimin e sektorit privat në Kosovë. Kjo do të sjellë edhe ulje në çmimin e librit, duke ndihmuar të gjithë ata që janë simpatizantë të librit.
“Me aprovimin të projekt ligjit për Tatimin e Vlerës së Shtuar, Ministria e Financave bën edhe një hap tutje duke liruar nga Tatimi i Vlerës së Shtuar të gjithë importuesit, blerësit dhe lexuesit e librit në Republikën e Kosovës. Kjo pa dyshim që do të ndihmojë jo vetëm shitësit e librit, të cilët kanë paguar Tatimin e Vlerës së Shtuar me rastin e importimit, përkatësisht shitjes së librit por do t’i ndihmojë edhe blerësit e librit, ku libri do të duhet të jetë më i lirë në çmim se sa ishte deri më sot”, thuhet në komunikatë.
