Kur shikojmë thinjën e parë, në të shumtën e rasteve na kap paniku. Menjëherë e shkulim atë thinjë, thua çdo gjë do të ndryshojë. Shumica e njerëzve mendojnë se këputja i shton thinjat. Por kjo nuk është e vërtetë. Probleme të tjera do të hasni nëse i shkulni thinjat.
Elizabeth Cunnane Phillips, e cila është stiliste flokësh në Philip Kingsley, shpjegon për “Huffington Post” se këputja e thinjave acaron skalpin.
“Edhe pse këputja nuk i shton thinjat (siҫ mendojnë një pjesë e madhe e njerëzve), ajo acaron skalpin dhe gjendrat e fijeve rreth e rrotull. Nëse i këput fijet, rrezikon që rreth kësaj zone, flokët të hollohen.
Po kështu, duke i këputur thinjat, dëmton folikulën dhe ndalon rritjen e qimes në atë vend. Me kalimin e kohës, flokët do të rrallohen. Nëse sheh ndonjë fije floku gri që bie në sy dhe do ta zhdukësh, prite afër rrënjës me shumë kujdes. Pa shkaktuar dhimbje dhe pa ushtruar forcë”, ka thënë ajo.
