Conor McGregor kishte muaj që përgatitej për duelin e madh në kafaz me Khabib Nurmagomedov, por në fund rezultoi që akoma nuk kishte qenë gati. Këtë e ka zbuluar edhe vetë rusi në një prononcim për Russia Today. Khabib është shprehur se e kishte kuptuar para se të fillonte përballja mes tyre se Conor ishte i ‘thyer’ dhe nuk ishte gati.
Luftëtari rus shprehet se ai ishte momenti që kuptoi se McGregor nuk ishte gati për luftë. “Kur je ballë për ballë me kundërshtarin, mund të kuptosh shumë gjëra duke e parë në sy.
Ai mund të thotë ç’të dojë, por shikoni se ku i kishte sytë. Ai ishte momenti që kuptova se e kisha thyer. Ai as nuk më pa në sy. Mendoj se ai po shihte diku në mes të syve, por asnjëherë në sy.
Gjithçka që ndodhi, konferenca për shtyp, peshimet stërvitja e hapur…sa më shumë i afroheshim ndeshjes aq më shumë u thye. Dhe kur ishim brenda kafazit e pashë në sy, pashë gjendjen e tij dhe e kuptova se ishte thyer”, u shpreh Khabib Nurmagomedov.
