Inter dhe PSV do të përballen në Champions League ditën e nesërme, por sfida mes tyre ka filluar që ditën e sotme në ‘rrjetet sociale’. Rivaliteti mes dy klubeve ka filluar për shkak të Ronaldos, atij të vërtetit. Fenomeni ka veshur fanellën e të dyja skuadrave, në sezonet 1994-1996 te PSV, dhe në vitet 1997-2002 te Inter. Nëpërmjet disa cicërimave në Twitter është ndezur një debat mes klubeve, që në fund merr zgjidhje nga vetë Ronaldo.
https://twitter.com/PSV/status/1047049665089363969
“Hej Ronaldo, për cilin do bëni tifo nesër në mbrëmje”, ishte postimi në faqen zyrtare të Inter, ndërsa pak momente më vonë vjen përgjigja e klubit holandez që postojnë një foto të brazilianit me fanellën e PSV dhe shkruajnë: “Natyrisht që për ne!”.
https://twitter.com/Inter_en/status/1047051634944163842
Por nga ana e Interit nuk e lënë me kaq, pasi postojnë një video dhe shkruajnë: “A jeni të sigurt? Ai ka shënuar disa nga golat e tij më të bukur me ne!”. Ndërsa ata të PSV i kundërpërgjigjen po me një video të golave më të bukur të tij në Holandë. “Më vjen keq, por ne jemi të bindur. Shikoni këto gola!”
https://twitter.com/PSV/status/1047052889913470977
Për t’i hedhur “nokaut” ata të Inter-it postojnë një foto të Ronaldo Fenomenit me “Topin e Artë” që ka fituar me fanellën zikaltër, ndërsa shkruajnë: “Po, por çfarë mendoni për këtë?
https://twitter.com/Inter_en/status/1047055733832015874
Dhe në fund, për ta bërë mbylljen më me diplomaci u përgjigj vetë braziliani që tha: “Lëreni tani! Kam kujtime të bukura me të dy ekipet. Iu shkoftë mbarë!”
https://twitter.com/Ronaldo/status/1047057517124227072
Zikaltërit mw pas postojnë në faqen e tyre zyrtare në “Instagram” një foto ku duken mbrojtësit Miranda dhe Dambrosio.
Kjo foto shoqërohet me shkrimin: Kush është gati për ndeshjen e radhës? Ndërsa nuk ka munguar as përgjigja e skuadrës së PSV-së të cilët shkruajnë: “Ne jemi”. Ndërsa Inter kthen përgjigje përsëri duke shkruar: “Shihemi nesër”.
