Ibrahimovic nuk ndryshon asnjëherë, përgjigjet e tij janë gjithmonë ato të stilit Zlatan. Ai është pyetur për çmimin “Puskas” të cilin FIFA ia dhuroi Mohamed Salah për golin e shënuar në ndeshjen mes Liverpool dhe Everton, një gol që nuk është as nga më të bukurit e egjiptianit
I pyetur nëse Salah e ka merituar këtë çmim, Ibrahimovic u përgjigj thjesht me një “jo”. Ish sulmuesi i Manchester United, vazhdoi të thoshte se ai as nuk i ka parë të gjithë kandidatët, pasi ai nuk ishte i interesuar nëse golat e tij nuk përfshihen.
“Mendoj se Cristiano e meritonte për golin kundër Juventusit. Por nuk i pash kandidatët. Nëse goli im nuk është aty, atëherë nuk jam i interesuar”– ka thënë suedezi. Ai gjithashtu shtoi se goli i tij i 500 kundër LA FC, duhet të ishte përfshirë në atë listë.
