Pas shumë zërave që Zinedine Zidane do të rikthehet sërish në fushën e blertë si trajner, ka folur vetë francezi. Mediat e kanë lidhur atë me stolin e Manchester United, i cili pas rezultateve të fundit është në “fije të perit”, por edhe me stolin e Juventusit, duke e lidhur me një dështim në Champions League.
Sigurisht që së shpejti do të nis të punojë sërish si trajner, – tha “Zizu”, që dha dorëheqjen nga “Los Blancos” në muajin qershor. – Mua më pëlqen futbolli, jam marrë me këtë sport gjithë jetën dhe kështu do të vazhdoj. Po pushoj, por nuk kam ndërmend ta mbyll kaq shpejt karrierën që kam nisur si trajner.”
Fjalët e tre herë fituesit të Champions League në dy vite e gjysmë në stolin e Real Madrid, padyshim që do ti lëkundin ndjeshëm pozitat e trajnerëve të skuadrave të mëdha. Por një hipotezë e mundshme mbetet edhe kombëtarja franceze, pasi shumë tifozë e kërkojnë që të zëvendësojë Deschamps tek kombëtarja që u shpall kampione bote në Rusi 2018. Nuk mbetet asgjë veçse të presim se kë skuadër do të drejtojë Zizu.
