I fiksuar pas Liverpool, shqiptari vendos bastin e çuditshëm

Liverpool ka që nga viti i largët 1990 që nuk e ka fituar titullin kampion në Angli. Por ky mund të jetë sezoni i së vërtetës pasi kanë një grup mjaft të fortë dhe cilësohen favoritë. Pas katër ndeshjesh të besuarit e Klopp kanë fituar të katër takimet dhe kanë pësuar vetëm një gol.

Kjo skuadër ka tifozë të shumtë në mbarë botën, po tifozët nuk i mungojnë as në Kosovë. Ukë Krasniqi është një tifoz i flaktë i skuadrës së madhe angleze, Liverpool. Uka ka bërë një premtim të madh për skuadrën e tij të zemrës.

Përderisa në shumë vende të botës jemi mësuar me tifozë që zhvishen ose që bëjnë ndonjë tatuazh si bast për skuadrën e tyre të zemrës, kosovari ka vënë një bast të veçantë. Ai është me flokë të gjata dhe ka që nga viti 2003 që nuk i ka prerë dhe ka premtuar që nëse Kiverpool fiton Premier Leaguen ai do të shkojë tek berberi. Uka është i bindur se në fund të kapionatit do të qethet.

“Ky do të jetë viti i Liverpoolit dhe viti kur do t’i shkurtoj flokët. Sivjet kemi bërë një skuadër shumë të fortë dhe kam besim të plotë se do të dalim kampion”, ka thënë Ukë Krasniqi në një prononcim për Insporti. Në shumë ndeshje që luajnë “The Reds” në Anfield Road” ai është prezent, por shpeshherë i ndjek edhe kur luajnë në transfertë.