Holanda prej disa vitesh është duke kaluar një formë mjaft të dobët si kombëtare, kujtojmë që brezi i futbollistëve i fundit që shkoi shumë lart ishte në 2010. Ata arritën në finalen e Botërorit të Afrikës, por ishin të pafat dhe u mposhtën nga Spanja me rezultatin 1-0. Një pjesë e atyre lojtarëve luajnë akoma dhe mund të përmendin Robben dhe Sneijder.
Ish mesfushori i Interit, që arriti të fitonte gjithçka me ngjyrat zikaltër i ka befasuar të gjithë kur kanë lexuar emrin e tij në listën paraprake me 34 futbollistët për miqësoren ndaj Perusë dhe Francës. Janë dy ndeshje që do të luhen në kuadër të Ligës së Kombeve më datë 6 dhe 9 shtator, e pikërisht ky do të jetë edhe takimi i fundit i Sneijder me kombëtaren.
“Sneijder do të luajë ndaj Perusë ndeshjen e fundit me përfaqësuesen dhe federata i ka organizuar ceremoninë e lamtumirës”, deklaroi trajneri i Holandës, Ronald Koeman. Aktualisht, Wesley Snejder luan në Katar me skuadrën Al-Gharafa.
