Armando Sadiku duket se është me fat dhe aventura e tij do të vazhdojë në Spanjë tek Levante. Të paktën pritet që ai të mos largohet para janarit, dhe me shumë mundësi do të ketë më shumë minuta në këmbë për të treguar vlerat e tij.
Gjatë përgatitjeve parasezonale me skuadrën, sulmuesi kryesor Emmanuel Boateng ka pësuar një dëmtim serioz, pasi është dëmtuar në meniskun e gjurit. Si pasojë e këtij dëmtimi pritet që ai të mungojë në disa ndeshje në fillim të sezonit.
Alternativat e Levantes aktualisht janë dy, Sadiku ose Roger, të dy do të luftojnë për një vend titullarë, pasi ekipi nuk ka ndërmend që të kërkojë një sulmues tjetër gjatë merkatos për të zëvendësuar Boateng.
Pikërisht në momentin ku largimi i Sadikut në La Liga ishte thuajse i sigurt (kishte oferta nga Turqia dhe Greqia), nga Levante vjen sinjali për një tjetër shans për të në futbollin elitar spanjoll.
