Pas largimit të Cristiano Ronaldos, Real Madrid është hedhur në sulm për të siguruar shërbimet e një futbollisti cilësor. Dëshira e parë e Florentino Perez është lojtari i Chelsea, Eden Hazard. Prej kohësh edhe ky i fundit ka dhënë pëlqimin për të luajtur në Madrid dhe tashmë duket se gjithçka po shkon drejt finalizimit.
Chelsea dhe Real Madrid bien dakord për 190 milionë euro, që të transferojnë Eden Hazard në “Bernabeu”. Kështu njofton sot “Le10Sport”, në mënyrë ekskluzive. Eden Hazard ka shënuar 89 gola dhe ka siguruar 70 asistime në 300 paraqitjet e bëra për “Blues” dhe shihet si një lojtar deçiziv në skemat e Lopeteguit.
Premtimi që Perez u bëri tifozëve ishte se do të vinë lojtarë të mëdhenj. Për të transferuar belgun ata nuk janë menduar shumë, pasi menjëherë pasi kanë gjetur akordin me babain agjent të futboillistit janë drejtuar për në Londër. Sipas informacioneve të fundit, duket se është arritur një marrëveshje e parë mes Real Madridit dhe Chelsea. Një shumë faraonike prej 190 milionë euro është në tavolinë.
Siç “10sport.com” përmendi të enjten, Real Madridi ishte duke konsideruar një ofertë monstruoze për dyshen Hazard-Courtois. A kushton kjo shumë prej 190 milionë eurosh vetëm për Eden Hazard, apo përfshin edhe portierin Thibault Courtois? Informacionet thonë se bëhet fjalë vetëm për një transferim “të thatë” të Eden Hazard…
