Instagrami është një trend i padiskutueshëm, ku njerëzit shpenzojnë shuma maramendëse për të treguar jetën e luksit. Jo të gjithë i kanë mundësitë, por kur vjen puna tek rrjeti social, gjithkush do të duket më në trend, duke dëshmuar se udhëton në botë, bën shpenzime luksi, etj. Trendi më i fundit në Instagram është “#slime”, për materialin që shkrin në duar, (përdoret edhe si antistres apo si lodër për fëmijët, pa e ditur çfarë rreziku përmban).
E për të parë nëse është kthyer në trend apo jo, mjafton të shihni se sa persona e kanë përdorur si hashtag. Një koment ka ardhur edhe nga ekspertët e fushës, të cilët kanë deklaruar se këto lloj lodrash, kanë më shumë disavantazhe, sesa të japin kënaqësi.
Në përbërje të tyre ka nivele të larta kimikatesh, dhe që e bëjnë të ngjitshëm dhe në versione të ndryshme ngjyrash. Të vjellat, dhimbjet e barkut apo alergji të ndryshme janë vetëm disa nga efektet anësore që vijnë nga kjo lodër, në dukje argëtuese.
