Një jetë e dytë ka qenë për një grua, e cila u shpëtua nga një punonjës i morgut, pasi ajo ishte deklaruar e vdekur. Ngjarja është shënuar në Afrikën e Jugut, e ndërsa gruaja e cila ishte e shpallur e vdekur gjatë një aksidenti automobilistik, është gjetur duke marrë frymë brenda frigoriferit të morgut.
Një punonjës i morgut kishte shkuar për të kontrolluar trupin, dhe është shokuar kur ka parë se gruaja merrte frymë.
Mjekët e shpallën gruan të vdekur që në momentin e aksidentit, duke pretenduar se gruaja nuk shfaqi shenja jete as gjatë transportimit për në spital. Në lidhje me këtë rast tronditës, menaxheri i kompanisë së ambulancës tha për mediat vendase se incidenti nuk ishte për faj të mjekëve, pasi nga ana e tyre nuk kishte asnjë neglizhencë.
