‘Bomba’ e merkatos: Real Madrid shet Ronaldon tek gjiganti italian

Raportet mes Cristiano Ronaldos dhe Real Madridit janë ftohur shumë pasi ylli portugez nuk pranoi rinovimin me një pagë rreth 32 milionë euro në sezon. Kjo ka bërë që drejtuesit madrilenë të dëgjojnë ofertat për yllin e tyre dhe të negociojnë për largimin e tij. Nga Spanja bëjnë me dije se ata kanë rënë dakord që të pranojnë ofertën prej 100 milionë eurosh nga Juventusi për portugezin.“La Sexta” raporton se Ronaldo do të përfitojë një rrogë prej 30 milionë eurosh në sezon tek Juventusi, dhe se me “zonjën” do të firmosë një kontratë 4 vjeçare. Gjithsesi, tashmë pritet vendimi i vetë Ronaldos për një transferim të tillë.