Argjentina është eliminuar nga Botërori i Rusisë edhe pse vinte me pretendime të mëdha, madje në fillim trajneri Sampaoli u shpreh se “do ti tregojmë botës se kush jemi”. Pas një fazë grupesh shumë të vuajtur, vjen edhe një përballje e vërtetë me Francën. Një ndeshje ku “albicheleste” u shfaqën mjaft mirë, madje shënuan edhe tre gola por që nuk mjaftuan.
Jorge Sampaoli, trajneri i Argjentinës është kritikuar shumë në këto ditë të Kupës së Botës për skemat, përzgjedhjet e lojtarëve dhe gjithçka tjetër. Pas eliminimit trajneri tha se është i trishtuar, dhe se i vjen keq për lojtarët që kanë bërë përpjekje të madhe në këtë kompeticion.
Ishte një befasi për të gjithë pasi ai në asnjë moment nuk përmendi dorëheqjen. “Kjo është shumë e dhimbshme, veçanërisht për lojtarët sepse kanë bërë një përpjekje të madhe”, ka deklaruar Sampioli pas ndeshjes.
“Kjo ishte një ndeshje shumë e vështirë e ne nuk kemi arritur qëllimin tonë në Rusi. Jam i trishtuar, mendoj se kjo është normale”, përfundoi ai. Argjentina u mposht 4-3 nga Franca, duke humbur mundësinë për të triumfuar në Rusi.
