Njëri prej serialëve më të famshme televizive amerikane “Simpsons” ka parashikuar se kush do të arrijë në finale të Kupës së Botës në Rusi. Në një seri të vitit 1997 pati detaje të çuditshme: lojtarët meksikanë në një aheng me femra… një ngjarje që ndodhi në realitet pak ditë para fillimit të Botërorit Rusia 2018.
Homer Simpson dhe kompania i kanë bërë disa parashikime që kanë dalë të sakta në fund, si ardhja e Donald Trump në Shtëpinë e Bardhë, fitues të Çmimit Nobel, performancën e Lady Gaga në Super Bowl apo blerjen e Fox nga Disney.
Prandaj, serie amerikane e animuar njihet për aftësitë e saj për ta parashikuar të ardhmen. Tani, Simpsons e kanë parashikuar një finale mes Portugalisë dhe Meksikës në Kupën e Botës në Rusi.
Por pikërisht ky do të jetë edhe dështimi i parë i “Simpson” sa i përket parashikimeve, pasi këto dy kombëtare nuk kanë asnjë shans që të përballen në finale edhe nëse avancojnë më tej. Ato ndodhen në të njëjtën anë dhe përballja e tyre mund të ndodhë vetëm në gjysmëfinale.
