Pas ndërprerjes së parë të seancës prej 10 minutash, Kuvendi ka rinisur punimet, ndërkohë që kreu i PD-së, Lulzim Basha nuk është larguar nga foltorja.
Por kryeparlamentari i ka kërkuar të ulet në vend, e të mos pengojë punimet e rendin e ditës. Ruçi iu drejtua Bashës duke i thënë se Kuvendi ka rregulla dhe se për asnjë arsye, ai nuk do të shkelë rregulloren.
“Parlamenti ka rregulla, shtëpia ka tjegulla, ulu poshtë dhe fol kur të të vijë koha. Nuk ka hapje mikrofoni, nuk shkel rregulloren, rregullat i kemi vendosur bashkërisht, do i zbatojmë bashkërisht, të bëj thirrje për herë të fundit të ulesh.
Sa të mbarojnë tre drejtuesit e institucioneve, fjalën e ka kryetari i opozitës”, ka thënë Ruçi.
Pas shumë replikash, Ruçi në fund i ka dhënë sërish fjalën Bashës, i cili tha se Kuvendi i ndërpreu internetin.
