Një lajm i keq vjen për të gjithë tifozët e Partizanit, pasi dy prej futbollistëve të kësaj skuadre janë përfshirë në një aksident.
Portieri Alban Hoxha dhe mesfushori Lorenc Trashi, janë aksidentuar mbrëmjen e së martës, në afërsi të Kërrabës.
Në aksident u përfshinë dy makina, një “Audi A6” dhe një “BMW”, ku në mjetin e fundit udhëtonin dy futbollistët. Hoxha dhe Trashi, nuk kanë pësuar lëndime të mëdha, ndërkohë mjetet janë dëmtuar në masë. Pasi kanë marrë mjekim në spital nga bluzat e bardha, ata janë larguar për në banesat e tyre.
Paraprakisht dyshohet se shkak i aksidentit është bërë një manovër e gabuar e “Audit”, ku drejtuesi i saj ka shkelur rregullat e qarkullimit. Për pasojë, ai është gjobitur dhe do të dalë në komision.
