Largimi i Zinedine Zidane nga posti i trajnerit të Real Madrid në një moment kaq të lavdishëm i ka surprizuar të gjithë, por ajo që pritet me padurim është e ardhmja e francezit. Mediat prestigjioze menjëherë kanë nisur të bëjnë një përllogaritje për destinacioni e mundshëm të Zidane. Skenari më i mundshëm shihet drejt Kombëtares së Francës, por më parë kjo do të këtë gjasa të ndodhë nëse trajneri aktual dështon në Botëror.
Trajneri i “Gjelave”, Deschamps u shpreh se nuk është aspak i shqetësuar dhe do të vazhdojë punën normalisht, pasi ai vetë nuk do t’ia dorëzojë çelësat e ekipit Zidanes, vetëm presidenti i Federatës mund ta bëjë atë.
“Unë nuk do t’i dorëzojë çelësat Zidane, por është presidenti ai që mund ta bëjë. Largimi i tij nga Reali nuk më shqetëson aspak dhe kjo nuk ka pse të reflektoj tek puna ime. Unë jam i përqendruar aktualisht tek kampionati Botëror. Unë mendoj se një ditë Zidane gjithsesi do të jetë trajneri i Francës.”-tha Deschamps
