Aktori i njohur i Hollywood, Morgan Freeman është akuzuar për ngacmim seksual nga tetë gra. Gjithçka që rëndon mbi aktorin Freeman fillon me një asistente e re produksioni, e cila mendonte se kishte arritur punën e ëndrrave të saj, kur në verën e vitit 2015, filloi punën në “Going In Style”, një komedi bankare me Morgan Freeman, Michael Caine dhe Alan Arkin.
Gruaja pretendon se aktori i famshëm Freeman, ka ngacmuar dhe bërë komente të padëshirueshme ndaj figurës së saj dhe veshjeve që ajo përdorte në përditshmëri.
Freeman i është përgjigjur akuzave të shumta të ngacmimeve seksuale të bëra kundër tij. Aktori i kërkoi falje kujtdo që është ndjerë e parehatshme ose e sikletosur nga veprimet e tij në një prononcim të dhënë IndieWire. Freeman tha se kurrë nuk kishte për qëllim të ngacmonte seksualisht akuzueset e tij dhe se kurrë nuk do ta bënte askënd ndjenjën e shqetësuar.
“Kushdo që më njeh ose ka punuar me mua e di që nuk jam dikush që me dashje do të ofendojë ose me vetëdije të bëjë që dikush të ndihet e shqetësuar“, tha Freeman në deklaratën e tij. “Kërkoj falje për këdo që ndihet e parehatshme ose e sikletosur, nuk ishte qëllimi im.”
Ndërkohë, producentja rrëfen, se ne një moment Freeman vendosi duart mbi kurrizin e saj dhe më vonë tentonte të fuste duart poshtë fundit dhe e pyeste nëse kishte veshur apo jo të brendshme.
“Por ai nuk arriti asnjëherë të ngrinte fundin”, tha ajo, por ai tentoi sërish edhe pasi ajo u largua.
Në fund ajo tha: “ Alan Arkin bëri një koment duke i thënë atij të ndalojë. Morgan doli jashtë dhe nuk dinte çfarë të thoshte.”
Sjellja e pahijshme e Morgan, nuk u kufizua vetëm ne këtë film, por sipas burimeve të CNN, një tjetër grua ka thënë se është ngacmuar seksualisht nga Freeman.
Morgan Freeman është një aktor i madh në Hollywood, me një karrierë filmash që përfshin gati 5 dekada, me role kryesore dh shumë të rëndësishme.
