Në Gjykatën Themelore të Podgoricës kanë vazhduar seancat dëgjimore ndaj personave të akuzuar për grusht shtet në Mal të Zi. Në mesin e dëshmitarëve, këtë javë ishte edhe lideri i opozitës pro ruse “Fronti Demokratik”, Nebojsha Medojeviç, i cili sipas prokurorit special, bashkëpunoi me grupin që tentoi të bënte grusht shteti në zgjedhjet parlamentare të tetorit të vitit 2016.
Në aktakuzë thuhet se 14 persona nga Serbia, Mali i Zi dhe Rusia i janë bashkuar grupit terrorist që 16 tetorin e vitit 2016 ishte përgatitur për të sulmuar institucione shtetërore dhe për të vrarë ish-kryeministrin Milo Gjukanovic, në atë kohë.
