Pas fitores në minutat e fundit një natë më parë që Skënderbeu i mori Partizanit me golin e Bruno Ditës, qendërmbrojtësi i korçarëve, Tefik Osmani ishte i ftuar në emisionin “Proçesi Sportiv”. Gjatë emisionit, Osmani debatoi dhe me Gëzim Sinematin, të cilit i tha se ka aluduar kot për Skënderbeun.
Osmani: Ne këtu duhet t’ia nisnim nga Kupa, Sinemati ti ke thënë se është bërë pazar, që Flamurtari të kalojë në finalen e Kupës, tani çfarë do thuash?
Sinemati: Kam gabuar, ndoshta janë prishur pazaret, nuk e di unë atë punë.
Osmani: Ju ngelët duke bërë aludime, duke thënë gjëra kot…kërko falje tani.
Ndërsa ditën e sotme Osmani ka publikuar një foto ku duket se Gëzim Sinemati në momentin e publicitetit ka shkuar pranë tij për tu sqaruar për fjalët që kishte thënë. Nga pamja e fytyrës së Osmanit duket se Sinemati ishte në tentativë për tu shfajësuar për vrerin që kishte nxjerrë nga goja për dënimin e Skënderbeut, por Osmani duket se nuk e ka pritur mirë.
